Оғӯши марговар: дар Панҷ як кӯдакро сел бурду дуюмӣ дар оғӯши модар нафасгир шуд

ДУШАНБЕ, 18 май — Sputnik. Рӯзи 16 май дар паи боришоти шадид ва омадани сел дар ноҳияи Панҷ ду кӯдак яке 1-солаву 7 моҳа ва дигаре 4-сола ҳалок гардиданд.

Дар ин бора оҷонсии Тоҷик.ТА бо такя ба КҲФ хабар медиҳад.

Гуфта мешавад, ки бар асари боришоти зиёд 4 ҷамоати ноҳияи Панҷ зарар дида, қисме аз заминҳои наздиҳавлигӣ зери обу лой мондаанд.

  Ҳукми Шӯрои уламои Тоҷикистон дар бораи мардони "алфонс"

Сел соати 3-4 субҳ омадаасту мардум дар изтироб хонаҳояшонро тарк кардаанд.

Дар ҳамин ҳин модаре кӯдакашро чунон сахт оғӯш кардааст, ки кӯдак нафасгир шудааст.

Модаркалони кӯдаки чорсола бошад, натавонистааст набераашро дорад ва ӯро маҷрои сел бо худ бурдааст.

Дар умум кормандони КҲФ аз ҷои фоҷиа 500 касро ба ҷои бехавф кӯчонидаанд.

  Талоши милисаҳои тоҷик барои аз кор намондан: як раис дар ВУД 15 кило вазн партофт

Дар ҳоли ҳозир барои бартараф кардани оқибатҳои офати табиӣ, дар ҷои ҳодиса комиссияи вижа таҳти раҳбарии муовини раиси КҲФ Муҳаммадҷон Сализода фаъолият дорад.

Созмони обуҳавошиносии Тоҷикистон хабар дод, ки то 20 май дар кишвар ҳавои номусоид ҳукмфармо хоҳад буд.

http://sputnik-tj.com/incidents/20180518/1025605335/halokati-du-kudak.html

Leave a Reply

Your email address will not be published. Required fields are marked *