Дар як сӯхтор дар наздикии шаҳри Петербург ду муҳоҷири тоҷик маҷрӯҳ шуданд

ДУШАНБЕ, 9 ноя — Sputnik. Дар вилояти ленингради Русия бар асари сӯхтор дар бинои шиномонтаж ду шанҳрванди Тоҷикистон осеб диданд, иттилоъ додааст хабаргузории РИА Новости.

Пизишкон бемористони ноҳияи Токсово, хабар доданд, ки ҳарду шаҳрвандони Тоҷикистон дар ҳолати вазнин қарор доранд.

“Ҳарду шаҳрвандони Тоҷикистон дар ҳолати вазнин қарор доранд. Яке аз муҳоҷирони тоҷикро ба далели 27 дарсад сӯхтани баданаш дар бахши бемориҳои сӯхтагии бемористони ноҳияи Токсово ва якеи дигарро дар бахши травматология бистарӣ кардаанд”, – таъкид намудааст манбаъ.

  Видеои сайри даст ба даст, оғӯш ва зиёфати президентҳо дар Душанбе

Тибқи иттилои Вазорати ҳолатҳои фавқуллодаи Русия, сӯхтор дар бинои шиномонтаж ва мошиншӯӣ дар кӯчаи Вокзалнаяи шаҳраки Мурино, субҳи 9 ноябр, соати 08:23 рух додааст.

Масоҳати умумии сӯхтор ҳудуди 400 метри мураббаъ гуфта мешавад.

Кумитаи тафтишоти Русия хабар дод , ки баъд аз сӯхторхомушкунӣ дар ошёнаи сеюми бино аз зери харобаҳо ҷасади 4 нафарро пайдо карданд. Шахсияти онҳо то ҳол муайян карда нашудааст.

  Маҷлиси Ҳукумат ба раёсати Эмомалӣ Раҳмон дар сохтмони нав

Инчунин масъулини Кумитаи тафтишоти Русия гуфтанд, ки масъалаи шурӯи парвандаи ҷиноятӣ дар робита ба ин ҳодиса мавриди баррасӣ қарор дорад.

http://sputnik-tj.com/Tajikistan/20181109/1027372403/Dar-yak-skhtor-dar-nazdikii-shari-Peterburg-du-muoiri-toik-mar-shudand.html

Leave a Reply

Your email address will not be published. Required fields are marked *